ພະແນກ ບໍລິຫານ-ຈັດຕັ້ງ
ໜ້າທີ່ຂອງ ພະແນກບໍລິຫານ-ຈັດຕັ້ງ
ພະແນກບໍລິຫານ-ຈັດຕັ້ງ ມີໜ້າທີ່ ດັ່ງນີ້:
- ເປັນເສນາທິການໃຫ້ແກ່ຫ້ອງການໃນການສຶກສາ, ຄົ້ນຄ້ວາ, ຜັນຂະຫຍາຍແຜນລວມ, ແຜນຈັດຕັ້ງປະຕິບັດ ວຽກງານບໍລິຫານຂອງ ຫ້ອງການ ແລະ ກະຊວງ;
- ຄຸ້ມຄອງ ແລະ ບຳລຸງຮັກສາ ການໃຊ້ໄຟຟ້າ,ນໍ້າປະປາ, ແອເຢັນ, ໂທລະສັບ, ໜັງສືພິມ, ວັດຖຸອຸປະກອນ, ພາຫະນະ, ທີ່ດິນ ແລະ ຊັບສິນຂອງກະຊວງ;
- ປ້ອງກັນຄວາມສະຫງົບ, ຄວາມປອດໄພ, ຮັກສາຄວາມລະບຽບຮຽບຮ້ອຍ ແລະ ຄວາມຈົບງາມ ພາຍໃນກະຊວງ;
- ສົມທົບກັບພາກສ່ວນທີ່ກ່ຽວຂ້ອງໃນການຈັດຈ້າງ, ຈັດຊື້ວັດຖຸອຸປະກອນ, ພາຫະນະຂອງກະຊວງ; ຂຶ້ນແຜນງົບປະມານ ແລະ ແຕ່ງຕັ້ງ ຄະນະຈັດຊື້, ຈັດຈ້າງ;
- ຂຶ້ນແຜນຈັດຊື້ ອຸປະກອນຮັບໃຊ້ ປະຈຳເດືອນ, ປະຈໍາງວດ, 6 ເດືອນຕົ້ນປີ, 6 ເດືອນທ້າຍປີ ແລະ ປະຈໍາປີ ຂອງບັນດາກົມ/ທຽບເທົ່າ ຮັບໃຊ້ເຂົ້າໃນວຽກງານບໍລິຫານຂອງກະຊວງ ເພື່ອສົ່ງໃຫ້ພາກສ່ວນກ່ຽວຂ້ອງ;
- ຕິດຕາມງົບປະມານຂອງກະຊວງ ແຕ່ລະງວດ, 6 ເດືອນຕົ້ນປີ, 6 ເດືອນທ້າຍປີ ແລະ ປະຈຳປີ ເພື່ອຊໍາລະຄ່າ ນໍ້າປະປາ, ໄຟຟ້າ, ສ້ອມແປງ, ປ່ຽນຖ່າຍອາໄຫຼ່ ອຸປະກອນຕ່າງໆ ແລະ ອື່ນໆ;
- ປະສານກັບພາກສ່ວນກ່ຽວຂ້ອງ ເພື່ອດຳເນີນການ ຊຳລະ ແລະ ຈອງປີ້ຍົນ ໃຫ້ແກ່ລັດຖະມົນຕີ, ຮອງລັດຖະມົນຕີ ແລະ ພະນັກງານລັດຖະກອນຂອງກະຊວງ ເຕັກໂນໂລຊີ ແລະ ການສື່ສານ ໃນການເດີນທາງໄປເຄື່ອນໄຫວວຽກງານທັງພາຍໃນ ແລະ ຕ່າງປະເທດ;
- ຄຸ້ມຄອງ, ເກັບກຳສະຖິຕິພາຫະນະຂອງກະຊວງ ແລະ ຂຶ້ນແຜນບໍາລຸງຮັກສາ, ສ້ອມແປງພາຫະນະ ເພື່ອຮັບໃຊ້ວຽກງານການເຄື່ອນໄຫວວຽກງານຕ່າງໆ;
- ເກັບກຳສະຖິຕິ, ຕິດຕາມ, ກວດກາ ແລະ ຂຶ້ນແຜນການກໍ່ສ້າງ, ສ້ອມແປງ, ບໍາລຸງຮັກສາຕຶກອາຄານ ຂອງກະຊວງ;
- ປະສານສົມທົບກັບພາກສ່ວນກ່ຽວຂ້ອງ ເພື່ອດຳເນີນການ ຈັດຊື້, ຈັດຈ້າງ ຂອງບັນດາກົມຕ່າງໆພາຍໃນກະຊວງ ເຕັກໂນໂລຊີ ແລະ ການສື່ສານ;
- ຄຸ້ມຄອງບຸກຄະລາກອນ, ເກັບກຳສະຖິຕິ, ສັງລວມການເຄື່ອນໄຫວຂອງ ພະນັກງານ-ລັດຖະກອນ ພາຍໃນຫ້ອງການ ກຳນົດຕຳແໜ່ງງານ ແລະ ຂຶ້ນແຜນຄວາມຕ້ອງການພະນັກງານ, ສະເໜີແຕ່ງຕັ້ງ, ສັບຊ້ອນ, ປະຕິບັດລະບຽບວິໄນ ແລະ ນະໂຍບາຍຕໍ່ພະນັກງານຂອງຫ້ອງການ;
- ສັງລວມແຜນກໍ່ສ້າງ, ຍົກລະດັບ ວຽກງານວິຊາສະເພາະ, ທິດສະດີການການເມືອງ - ການປົກຄອງ ແລະ ພາສາຕ່າງປະເທດ ໃຫ້ພະນັກງານພາຍໃນຫ້ອງການປະສານສົມທົບກັບ ກົມຈັດຕັ້ງ-ພະນັກງານ ໃນການສ້າງແຜນພັດທະນາບຸກຄະລາກອນພາຍໃນຫ້ອງການ ໃນການບຳລຸງກໍ່ສ້າງຍົກລະດັບທັງ ໄລຍະສັ້ນ ແລະ ໄລຍະຍາວ, ທັງພາຍໃນ ແລະ ຕ່າງປະເທດ;
- ປະຕິບັດໜ້າທີ່ອື່ນ ຕາມການມອບໝາຍຂອງຄະນະຫ້ອງການ.
