ພະແນກ ຄວາມກ້າວໜ້າແມ່ຍິງ ແລະ ແມ່-ເດັກ
ໜ້າທີ່ຂອງ ພະແນກ ຄວາມກ້າວໜ້າຂອງແມ່ຍິງ ແລະ ແມ່-ເດັກ
ພະແນກຄວາມກ້າວໜ້າຂອງແມ່ຍິງ ແລະ ແມ່-ເດັກ ມີໜ້າທີ່ ດັ່ງນີ້:
- ເປັນເສນາທິການໃຫ້ແກ່ ຄກມດ ກະຊວງ ເຕັກໂນໂລຊີ ແລະ ການສື່ສານ ເພື່ອຄົ້ນຄວ້າຈັດຕັ້ງປະຕິບັດແນວທາງນະໂຍບາຍ, ນິຕິກຳ, ລະບຽບການຕ່າງໆຂອງລັດ, ສົນທິສັນຍາຊີດໍ, ສົນທິສັນຍາວ່າດ້ວຍສິດທິເດັກ ແລະ ສົນທິສັນຍາອື່ນໆ ທີ່ກ່ຽວຂ້ອງກັບສິດທິຂອງແມ່ຍິງ ແລະ ສິດທິເດັກ, ຍຸດທະສາດ, ແຜນດຳເນີນງານແຫ່ງຊາດຂອງ ຄຊກມດ ໃນແຕ່ລະໄລຍະ ຫັນເປັນແຜນການ, ແຜນງານ, ໂຄງການລະອຽດຂອງ ຂະແໜງ ເຕັກໂນໂລຊີ ແລະ ການສື່ສານ;
- ໂຄສະນາເຜີຍແຜ່ແນວທາງນະໂຍບາຍ, ລັດຖະທຳມະນູນ, ກົດໝາຍ, ລະບຽບການຕ່າງໆຂອງລັດ; ຍຸດທະສາດ, ແຜນດຳເນີນງານແຫ່ງຊາດ, ເອກະສານຕ່າງໆຂອງພາກພື້ນ ແລະ ສາກົນທີ່ຕິດພັນກັບວຽກງານສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ສິດທິເດັກ, ການປົກປ້ອງສິດ ແລະ ຜົນປະໂຫຍດຂອງແມ່ ແລະ ເດັກ ໃຫ້ແກ່ພະນັກງານໃນຂະແໜງ ເຕັກໂນໂລຊີ ແລະ ການສື່ສານ;
- ເປັນເຈົ້າການໃນການປະສານສົມທົບກັບທຸກພາກສ່ວນກ່ຽວຂ້ອງໃນການຜັນຂະຫຍາຍ ແລະ ຈັດຕັ້ງ ປະຕິບັດແຜນດໍາເນີນງານແຫ່ງຊາດ ເພື່ອຄວາມສະເໝີພາບຍິງ-ຊາຍ, ແຜນດໍາເນີນງານແຫ່ງ ຊາດເພື່ອແມ່ ແລະ ເດັກ, ແຜນດໍາເນີນງານແຫ່ງຊາດ ເພື່ອປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ຄວາມຮຸນແຮງຕໍ່ເດັກ ທີ່ຕິດພັນກັບວຽກງານຂະແໜງ ເຕັກໂນໂລຊີ ແລະ ການສື່ສານ;
- ສ້າງຖານຂໍ້ມູນ ແລະ ເກັບກໍາສະຖິຕິການເຊື່ອມບົດບາດຍິງ-ຊາຍ, ສະຖິຕິເດັກ ໃນຂະແໜງ ເຕັກໂນໂລຊີ ແລະ ການສື່ສານ ໂດຍການປະສານສົມທົບກັບພາກສ່ວນກ່ຽວຂ້ອງ;
- ຄົ້ນຄວ້າ, ສ້າງແຜນການເຄື່ອນໄຫວວຽກງານສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ວຽກງານແມ່ແລະເດັກ ໃນຂະແໜງ ເຕັກໂນໂລຊີ ແລະ ການສື່ສານ ໃຫ້ມີຄວາມເຂັ້ມແຂງໂດຍສະເພາະ ການຈັດຝຶກອົບຮົມ, ສຳມະນາ ແລະ ການຈັດກອງປະຊຸມຕ່າງໆ ໂດຍສົບທົບກັບບັນດາພາກສ່ວນທີ່ກ່ຽວຂ້ອງ ຂັ້ນສູນກາງ ແລະ ທ້ອງຖິ່ນ;
- ພົວພັນຮ່ວມມື, ພົບປະເຈລະຈາ ແລະ ປະສານງານກັບພາກສ່ວນທີ່ກ່ຽວຂ້ອງທັງພາຍໃນ ແລະ ຕ່າງປະເທດເພື່ອຍາດແຍ່ງການຊ່ວຍເຫຼືອ ດ້ານວິຊາການ ແລະ ບົດຮຽນຕ່າງໆທີ່ຕິດພັນກັບວຽກງານສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ວຽກງານແມ່ແລະເດັກ ຕາມລະບຽບການ;
- ຕິດຕາມ, ກວດກາ ແລະ ສະຫຼຸບລາຍງານ ຜົນການຈັດຕັ້ງປະຕິບັດວຽກສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ, ວຽກງານແມ່ ແລະ ເດັກ ໃນຂະແໜງ ເຕັກໂນໂລຊີ ແລະ ການສື່ສານ ປະຈຳ 03 ເດືອນ, 06 ເດືອນ, 09 ເດືອນ, 01 ປີ ແລະ 05 ປີ; ໃຫ້ຄະນະກຳມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ;
- ຄົ້ນຄ້ວາ ແລະ ສ້າງແຜນການຈັດຝຶກອົບຮົມ ວຽກງານວິຊາສະເພາະ, ທິດສະດີການການເມືອງ - ການປົກຄອງ ແລະ ພາສາຕ່າງປະເທດທັງໄລຍະສັ້ນ ແລະ ໄລຍະຍາວ ໃຫ້ພະນັກງານພາຍໃນພະແນກ.
- ຂຶ້ນແຜນເຄື່ອງຮັບໃຊ້ການເຄືອນໄຫວວຽກງານຂອງພະແນກ;
- ປະຕິບັດໜ້າທີ່ອື່ນໆ ຕາມການມອບໝາຍຂອງຄະນະຫ້ອງການ.
